Muddo Fasax Ah kadib Oo uu dib Ufurmayo Kulanka Aqalka sare

Kalfadhiga Golaha Aqalka Sare ayaa berri ka furmaya magaalada Muqdisho, kadib fasax malmo kooban ay galeen xildhibaanada Golaha Aqalka Sare, si ay u soo gutaan acmaasha Xajka oo soo gaba gabowday.

Kulanka xildhibaanada Aqalka Sare oo berri Isniin ah dhacaya ayaa waxaa Ajandihiisa ugu horeeya uu yahay, arrinta Sarkaalka jabahada ONLF C/kariin Sheekh Muuse (Qalbi-dhagax), sida uu sheegay Guddoomiyaha Aqalka Sare.

Cabdi Xaashi C/laahi Guddoomiyaha Aqalka Sare ayaa sheegay in Goluhu uu go’aan ka soo saari doono sax iyo qalad wuxuu yahay go’aankii Xukuumadda ay ku sheegtay in (Qalbi-dhagax) uu yahay Argagixiso.

“Ajandahaha Guddiga joogtada uu ka hadlay waxa weeye ka doodista go’aankii Xukuumadda ay gaartay ee ku saabsanaa u gudbinta C/kariin Sheekh Muuse Qalbi Dhagax ee Itoobiya loo gudbiyay iyo Xukuumadda go’aanka ay ka soo saartay weeye, kaas aan rabno inaan Aqalka geyno, waxaana ka soo saari doonaa go’aan sax iyo qalad wuxuu yahay go’aankaas xukuumadda ay gaartay” Ayuu yiri Cabdi Xaashi.

Golaha shacabka ee Baarlamaanka Federaalka Soomaaliya ayaa shalay kulan ay kaga doodi lahaayeen arrinta C/kariin Qalbi Dhagax ayaa waxaa uu u baaqday kooram la’aan.

Golaha Wasiirada Soomaaliya oo 6-dii bishan kulan ku yeeshay magaalada Muqdisho ayaa waxa ay sheegeen (Qalbi-dhagax) inuu xiriir lahaa Al-shabaab, uuna yahay Argagixiso, sidaasina ay ugu wareejiyeen Itoobiya.

Facebook Comments

Leave a Reply

Your email address will not be published. Required fields are marked *

*

x

Check Also

Ciidamada gaar-ka ah ee Dowladda Somalia oo Weeraray Degaan ka tirsan Sh hoose.

Ciidamada gaarka u tababaran ee dowladda Soomaaliya oo taageero ka helaya Ciidamo Mareykan ah ayaa ...